Ojgyn z Pnioków
_VIP_
Dołączył: 30 Lip 2006
Posty: 302
Przeczytał: 0 tematów
Ostrzeżeń: 0/5
Skąd: Chorzów
|
 Wysłany: Pią 14:45, 20 Paź 2006 Temat postu: Blumkołl inakszij |
|
|
Chnet bydzie szlus ze blumkołlami, nale podwiyl som, werci sie je uwarzić ździebko inakszij.
Srogi blumkołl trza nojprzodzij potajlować na „rożycki”, wciepnońć do garca, dociepnońć soli, wloć łeżka łoctu i deczko cukru. Naloć kajsik kole jednyj achtli mlyka i uwarzić. Podwiyl sie tyn cołki glumkołl niy uwarzi, trza na tyglik łobrać i pokroć jakiesik 30 deka szampiniokow, pokropkać citrołnom i uparszczyć na loleju lebo maśle. Dociepnońć soli, korzyni i telkigo „curry”. Tyn uwarzony już blumkołl przeciepnońć do brytfanki lebo – modernego terozki szklannygo „żaroodopornego naczynia” poprzekłodać szpliterkami masła i tymi uparszczonymi szampiniokoma, zetrzitom (tartom) żymłom, wrajzić do bratruły i na kajsik kole 175 gradusow parszczyć jesce jakosik godzina. Wećkać to wszyjsko trza kiej jes jesce gorkie !!!
Aha, tyn łocet to jes na to coby tyn cołki blumkołl niy boł po warzyniu (i po parszczyniu we bratrule) blank maźglaty !
Winszuja mocka smacyska.
Ojgyn z Pniokow
Post został pochwalony 0 razy
|
|
