Brand i bezludno wyspa ...

Ojgyn z Pnioków

Bezludnô wyspa a na nij jedyn, jedziny chop. Broda i kudły na łebie chnet aże do pôsa, schacharzóny, borajstwo ledwo na szłapach styrczy, klara nad niym świyci choby sto diosków i grzeje nikiej starzikowy bimber; nó nic, ino idzie ło gowa przijńść. Łorôzki do tyj bezludnyj wyspy przipłynóła na trafli takô jedna gryfnô, modô i wizgyrnô frela. Knap prziłoblecóno, cycki na wiyrchu (połnô szóstka i to fest ferdujóncô), giyry choby Klaudia Schifer, półrzitkóma gibie, choby dwie do kupy te dziołchy, kiere sie na miss rychtowali we telewizyji dwa tydnie tymu nazôd, nó cudo niy kobiyta. Ujzdrzała tego boroka i stropióno pytô sie go:
– A dugo to wy sam chopecku jezdeście na tyj wyspie?
– Bydzie już możno kole piytnôście lôt.
– Jezderkusie, i niy mierznie wóm sie sam samymu?
– A dyć, co sie mierznie.
– Nó, tóż terôzki bydziecie mieli to, co wóm cheba nôjbarzij brakowało, już moja w tym gowa i ... niy ino gowa!!!
– A dyć niy godejcie, richtik? We tyj kiście na kieryj wôs sam paniczko prziwioło na isto jes ... PIWO?