Wyrożnienie "Nagrodzony notgeldem śląskim"

broneknotgeld

Prawie we tym roku takowe wyrożniynie zostało ustanowione we Rudzie Ślonski
[link widoczny dla zalogowanych]

Może być i w Twojim mieście, gminie. Tyczy sie to jednak yno miejscowości Ślonska, czyli regionu historyczno-geograficznego leżoncego w dorzeczu gorny i środkowy Odry.

Dra'co-nix

nic wioznoncego od strony prawnyj tam niy widza, moze mie ftos łoświecić jak to bydzie wyglondać?

Blaszany · Gość

hmm fajny pomys... ino niy lepiyj kiejby sie nazywało: NOTGELD ŚLONSKI ?

broneknotgeld

Jeronie, co tam mo "wionzać łod strony prawny"?
"Łod strony prawny" to podobnoś nawet Ślonzokow niy ma.
Blaszany , tukej żech Ci łodpedzioł
[link widoczny dla zalogowanych]
Pozdrowiom ze stolicy ślonski fraszki

broneknotgeld

Hehe - juzaś se musza po glacy poszkrobać.
Czy "łod strony prawny" jest stolica ślonski fraszki?

Dra'co-nix

jeronie, rozłazi mie sie ło to, czy to jakiś urzond nadowo, czy to ino je jakiś pomysł, czy może momy z tym iść do naszygo urzyndu i pogodać co by tego nie przyznowoł...???

broneknotgeld

Niy, żodyn urzond tego nadowoł niy bydzie, dyć niy zaszkodzi jak w tym pomoże.
Regulamin tyczy sie właściwie samy ideji nominacji do tego wyrożniynio.
Winiyn zawiyrać jeszcze drugo czyńść, jakby bardzi praktyczno, tyczonco sie tego jak to wszysko w dany gminie przeprowadzić. W kożdy miejscowości właściwie może wyglondać to inaczy, bele niy był naruszony jakby tyn "kanon".
W Rudzie Ślonski piyńć nagrod prawie zostało prziznane.
Dostanie je piyńciu uczestnikow konkursu poetyckego ło świynty Barbarze.
Był to piyrszy taki konkurs i bez ich udziału sprawa by padła. Toż dziynki niym momy terozki nowo, coroczno impreza kulturalno.

Blaszany · Gość

a to ino przyznowo sie nagrody uczestnikom tego konkursu ? czy niy ino? ..................ino niy odsyłej mie do jakiygos linka...

broneknotgeld

Ano - jakoś trza zaczońć.
Udało mi sie namowić "Wiadomości Rudzke" coby taki konkurs łogłosiyły, no i wszysko piyknie wyszło.
Nagroda mo być nadowano za czysty wolontaryzm, dyć ło rożnisty formie.
Z jedny strony idzie jom prziznać komuś, kto w swojim życiu już wiela zrobioł bezinteresownie dlo inkszych. Z drugi zaś strony, komuś kto dopiyro jakby w tym sztartuje, coby go zdopingować do kolejnych poczynań abo utwierdzić w tym co dobrego robi. Chciołbych w ty sprawie wspołpracować we piyrszy kolejności z lokalnymi mediami, potym rożnymi stowarzyszyniami, a dopiyro dali starać sie ło wsparcie władzy samorzondowy. To niy mo być jakosik magistracko nagroda, choć jak już to w dany miejscowości sztartnie, to dobrze sie stanie jak bydom ta inicjatywa wspiyrać.

Blaszany · Gość

moje poparcie mosz! ;]

broneknotgeld

No ja - dziynki.
Ze wyrychtowaniym tego w Rudzie Ślonski som sie jakosik radza.Jeszcze w styczniu postarom sie dogodać w sprawie prezyntowania na łamach cajtoga nominowanych latoś do ty nagrody (nagrodzynie nastympny piontki bydzie we styczniu 2006).
Szłoby to tyż rozkryńcić w Siymianowicach, dyć tam som sie za to niy chyca.
No i ciynży tyż zdobyć notgeldy siymianowcke na te wyrożniynie.

broneknotgeld

No i pomyloł mi sie rok.
Nominowani latoś bydom nagrodzyni we styczniu 2007.
Jednak niy wszyscy, bo yno piontka (zgodnie z regulaminym).

broneknotgeld

Uwaga.
Projekt regulaminu nie uwzględnia części praktycznej, gdyż nominowanie i wybieranie z tego grona osób do wyróżnienia w konkretnej miejscowości może mieć nieco odrębny tryb, ustalony z osobami prawnymi i fizycznymi włączającymi się aktywnie w realizację utworzenia takiej formy promowania i nagradzania społeczno-obywatelskiej aktywności.

broneknotgeld

To na wiyrchu, to jest yno tako dopisek do regulaminu, dyć przeca ważny.
Praktycznie widza dwa podstawowe tryby możliwości nominowanio i prziznowanio takego wyrożniynio
I - Postawić na lokalne media kere by prezyntowały nominowanych przez środowisko wolontariuszy, a wybor nagrodzonych noleżołby w tym przipadku do odbiorcow tych mediow (czytelnikow cajtongow, słuchaczy radyjoka abo i telewidzow).
II - Niy stowiać tak cołkym na lokalne media, choć bez tego sie niy ruszy.
Ździybko to bardzi skomplikowane, dyć idzie ło to coby tyż stworzyć jakosik kapituła. Może do niyj wlyźć przedstawiciel mediow, samorzondu, no i po jedny osobie z poru stowarzyszyń kere chciałyby se w to włonczyć (bele niy za wiela bo dońdzie do łostudy - cuzamyn piynć na poczontek by wystykło). Nominowanie łodbywałoby sie praktycznie tako samo jak wyży, dyć decyzjo ło nagrodzyniu noleżałaby już do kapituły. Jednak w tym przipadku, ważne byłoby tyż to, że kożdy nagrodzony automatycznie mogby być tyż członkym kapitułu, jakby yno chcioł.

broneknotgeld

No, ździybeczko reklamy tymu nowymu ślonskymu wyrożniyniu przeca niy zaszkodzi
[link widoczny dla zalogowanych]ś%20wariat,%20a%20nie%20kolekcjoner...&data=12.1.2006&PHPSESSID=314e22c9e88c47cd42dfc30633793404