wolfik
_VIP_
Dołączył: 16 Gru 2005
Posty: 42
Przeczytał: 0 tematów
Ostrzeżeń: 0/5
|
Wysłany: Sob 23:46, 17 Gru 2005 Temat postu: O Hajerach |
|
|
Romboł górnik klocek, romboł go pod scianom
przi tym rombaniu ciulnoł sie w kolano
Że go zaskoczyło to nogłe zdarzynie
Na wczesniejszy wyjazd dostoł pozwolynie.
Poszoł se przekopym, jak mamlas po szynach
A tu na zakryncie ... Dup w niego maszyna
Kieby sie obejrzoł za siebie do zadku
To by boł uniknoł przikrego wypadku.
Stanoł i nadepnoł na kulok urżniynty
I gwosć zarusciały wloz mu aż do piynty
Musioł borok siednońć na okorkow kupie
Zaroz poczuł drzizga w swojyj chudyj dupie.
Górnik aże skoczył, hełm mu slecioł z głowy
I ciulnoł tom głowom w ring od obudowy
Buła mu wylazła na posrodku glacy
Straciył równowaga i ciulnoł na cacy.
Jak lecioł na plecy, chycił za kolejka
Palec mu prziczasła jakos kurwa belka
Chycił za betonik, kiery wisioł z kraja.
Betonik wylecioł, i dostoł nim w jaja.
Droty co tyczały, wlazły mu do miecha
Trza mieć kurwa noga pierońskigo pecha.
Jeszcze zdonżył chycić jakos deska z tyłu.
Półka go prziczasła i ćwierć tony pyłu.
Godajom wypadki, niy chodzom parami.
Jak to jest naprowda słyszeliscie sami.
Tak jest niebezpieczno robota górnika.
Niy rób nic na dole - unikniesz ryzyka!
Post został pochwalony 0 razy
|
|